rakhe hai rang kuchh saqi sharab-e-nab aatish ka

rakhe hai rañg kuchh saaqī sharāb-e-nāb ātish kā

muqattar kyā kiyā le kar gul-e-shādāb ātish kā

mire ye garm aañsū poñchh mat dast-e-nigārīñ se

ki un āñkhoñ se rahtā hai ravāñ sailāb ātish kā

tah-e-mizhgāñ nihāñ rakhte haiñ ham laḳht-e-dil-e-sozāñ

yahāñ ḳhāshāk meñ rakkhā hai aḳhgar daab ātish kā

nigāh-e-garm se us kī dil-e-betāb rū-kash hai

harīf āḳhir huā ye pāra-e-sīmāb ātish kā

jo sail-e-ashk o āh-e-garm ko Tuk dījiye ruḳhsat

nishāñ dariyā kā gum ho naam ho nāyāb ātish kā

shakeb o taab o hosh o sabr soz-e-ġham se sab sulgā

huā to.ama ġharaz apnā tamām asbāb ātish kā

araq us shola-gūñ aariz pe kyā suna-e-ilāhī hai

nahīñ dekhā hai ham ne rabt bāham aab ātish kā

rakhe hai rang kuchh saqi sharab-e-nab aatish ka

muqattar kya kiya le kar gul-e-shadab aatish ka

mere ye garm aansu ponchh mat dast-e-nigarin se

ki un aankhon se rahta hai rawan sailab aatish ka

tah-e-mizhgan nihan rakhte hain hum laKHt-e-dil-e-sozan

yahan KHashak mein rakkha hai aKHgar dab aatish ka

nigah-e-garm se us ki dil-e-betab ru-kash hai

harif aaKHir hua ye para-e-simab aatish ka

jo sail-e-ashk o aah-e-garm ko Tuk dijiye ruKHsat

nishan dariya ka gum ho nam ho nayab aatish ka

shakeb o tab o hosh o sabr soz-e-gham se sab sulga

hua toama gharaz apna tamam asbab aatish ka

araq us shola-gun aariz pe kya suna-e-ilahi hai

nahin dekha hai hum ne rabt baham aab aatish ka