raKHnon mein apni rakh ke reze samo diye

raḳhnoñ meñ apnī raakh ke reze samo diye

maiñ ne bhī kitne dukh dar-o-dīvār ko diye

chehroñ kī bhiiḌ kāTtī guzrī mirī nigāh

aur aate aate us ke ḳhad-o-ḳhāl kho diye

phir bhī maiñ terī yaad na kar paayā zeb-tan

har chand is qabā ke sabhī daaġh dho diye

TuuTā paḌā thā niiñd kā dhāgā mirī tarah

so maiñ ne us meñ ḳhvāb ke motī piro diye

apnā bhī ġham manāyā tire ġham ke saath saath

ik taaq meñ jalānā paḌe mujh ko do diye

pal bhar ko raushnī sī nazar aa.ī thī ki phir

ik shab ne merī āñkhoñ meñ nāḳhun khubo diye

raKHnon mein apni rakh ke reze samo diye

main ne bhi kitne dukh dar-o-diwar ko diye

chehron ki bhiD kaTti guzri meri nigah

aur aate aate us ke KHad-o-KHal kho diye

phir bhi main teri yaad na kar paya zeb-tan

har chand is qaba ke sabhi dagh dho diye

TuTa paDa tha nind ka dhaga meri tarah

so main ne us mein KHwab ke moti piro diye

apna bhi gham manaya tere gham ke sath sath

ek taq mein jalana paDe mujh ko do diye

pal bhar ko raushni si nazar aai thi ki phir

ek shab ne meri aankhon mein naKHun khubo diye