raKHt-e-gurez gam se aage ki baat hai
raḳht-e-gurez gaam se aage kī baat hai
duniyā, faqat qayām se aage kī baat hai
tū rāste bichhā na charāġhoñ se lau tarāsh
ye ishq ehtimām se aage kī baat hai
in pattharoñ ke saath kabhī rah ke dekhiye
ye ḳhāmushī kalām se aage kī baat hai
maiñ ne adū ke ḳheme meñ bhejā hai ik charāġh
ye ain intiqām se aage kī baat hai
tū āb-o-gil se jism banā, ism mat sikhā
'bābar' ye tere kaam se aage kī baat hai
raKHt-e-gurez gam se aage ki baat hai
duniya, faqat qayam se aage ki baat hai
tu raste bichha na charaghon se lau tarash
ye ishq ehtimam se aage ki baat hai
in pattharon ke sath kabhi rah ke dekhiye
ye KHamushi kalam se aage ki baat hai
main ne adu ke KHeme mein bheja hai ek charagh
ye ain intiqam se aage ki baat hai
tu aab-o-gil se jism bana, ism mat sikha
'babar' ye tere kaam se aage ki baat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
