rakhta hai sulh sab se dil us ka pa mujhse jang

rakhtā hai sulh sab se dil us kā pa mujh se jañg

ġhairoñ ke haq meñ mom hai aur mere haq meñ sañg

kaisā visāl kis kā firāq aur kahāñ kā ishq

thī ālam-e-javānī kī bas ye bhī ik tarañg

kyā tab milegī aah mujhe ārzu-e-dil

mar jā.egī taḌap ke mire jī kī jab umañg

hairāñ maiñ apne haal pe chuuñ ā.īna nahīñ

aalam ke muñh ko dekh ke maiñ rah gayā huuñ dañg

aatā hai kyā nazar use sho.ale meñ sham.a ke

detā hai jān-būjh ke kyuuñ apnā jī patañg

letā thā naam ġhair nikal aayā merā naam

āḳhir jhalak gayā hai mohabbat kā rañg-Dhañg

vāqif nahīñ nishāñ se maiñ us yaar ke 'hasan'

jis ke liye uḌā diyā sab apnā nām-o-nañg

rakhta hai sulh sab se dil us ka pa mujh se jang

ghairon ke haq mein mom hai aur mere haq mein sang

kaisa visal kis ka firaq aur kahan ka ishq

thi aalam-e-jawani ki bas ye bhi ek tarang

kya tab milegi aah mujhe aarzu-e-dil

mar jaegi taDap ke mere ji ki jab umang

hairan main apne haal pe chun aaina nahin

aalam ke munh ko dekh ke main rah gaya hun dang

aata hai kya nazar use shoale mein shama ke

deta hai jaan-bujh ke kyun apna ji patang

leta tha nam ghair nikal aaya mera nam

aaKHir jhalak gaya hai mohabbat ka rang-Dhang

waqif nahin nishan se main us yar ke 'hasan'

jis ke liye uDa diya sab apna nam-o-nang