rakhte hain rasm-o-rah kisi KHud-nigar se hum

rakhte haiñ rasm-o-rāh kisī ḳhud-nigar se ham

lete haiñ kaam vus.at-e-fikr-o-nazar se ham

nā-āshnā-e-manzil-e-maqsūd haiñ to kyā

pīchhe nahīñ raheñge kisī ham-safar se ham

kuchh aap ke ḳhayāl ne ġhāfil banā diyā

kuchh apne aap se bhī rahe be-ḳhabar se ham

kyā e.atibār is ġham-e-be-e'tibār kā

jab mutma.in nahīñ haiñ ġham-e-mo'tabar se ham

vo daur shāyad aa ke guzar bhī gayā 'atīq'

jis daur-e-ḳhush-gavār ke haiñ muntazir se ham

rakhte hain rasm-o-rah kisi KHud-nigar se hum

lete hain kaam wusat-e-fikr-o-nazar se hum

na-ashna-e-manzil-e-maqsud hain to kya

pichhe nahin rahenge kisi ham-safar se hum

kuchh aap ke KHayal ne ghafil bana diya

kuchh apne aap se bhi rahe be-KHabar se hum

kya eatibar is gham-e-be-e'tibar ka

jab mutmain nahin hain gham-e-mo'tabar se hum

wo daur shayad aa ke guzar bhi gaya 'atiq'

jis daur-e-KHush-gawar ke hain muntazir se hum