rang aahang-e-haal se pahle

rang āhang-e-hāl se pahle

vo he ḳhushbū ḳhayāl se pahle

us ne kāġhaz pe khīñch kar yaaro

hijr likkhā visāl se pahle

bhiiḌ meñ chup khaḌā thā dīvāna

chīḳh uTThā dhamāl se pahle

shaiḳh mahshar meñ kāñptā bhāge

suud khātā thā maal se pahle

dekh kursī pe saaf likkhā hai

rahm hai haañ jalāl se pahle

mujh pe taarī shabāb thā yaaro

maiñ thā laḌkā zavāl se pahle

karb meñ dar-ba-dar bhaTaktā thā

tifl-e-maktab kamāl se pahle

hai vo paikar 'murād' ke andar

ruuh meñ ḳhadd-o-ḳhāl se pahle

rang aahang-e-haal se pahle

wo he KHushbu KHayal se pahle

us ne kaghaz pe khinch kar yaro

hijr likkha visal se pahle

bhiD mein chup khaDa tha diwana

chiKH uTTha dhamal se pahle

shaiKH mahshar mein kanpta bhage

sud khata tha mal se pahle

dekh kursi pe saf likkha hai

rahm hai han jalal se pahle

mujh pe tari shabab tha yaro

main tha laDka zawal se pahle

karb mein dar-ba-dar bhaTakta tha

tifl-e-maktab kamal se pahle

hai wo paikar 'murad' ke andar

ruh mein KHadd-o-KHal se pahle