رنگ آہنگ حال سے پہلے

رنگ آہنگ حال سے پہلے

وہ ہے خوشبو خیال سے پہلے

اس نے کاغذ پہ کھینچ کر یارو

ہجر لکھا وصال سے پہلے

بھیڑ میں چپ کھڑا تھا دیوانہ

چیخ اٹھا دھمال سے پہلے

شیخ محشر میں کانپتا بھاگے

سود کھاتا تھا مال سے پہلے

دیکھ کرسی پہ صاف لکھا ہے

رحم ہے ہاں جلال سے پہلے

مجھ پہ طاری شباب تھا یارو

میں تھا لڑکا زوال سے پہلے

کرب میں در بہ در بھٹکتا تھا

طفل مکتب کمال سے پہلے

ہے وہ پیکر مرادؔ کے اندر

روح میں خد و خال سے پہلے