rang aankhon se bhi lagta hai naya ho jaise
rang āñkhoñ se bhī lagtā hai nayā ho jaise
dil kī dhaḌkan ne koī saaz bunā ho jaise
us kī āñkhoñ meñ the paiġhām hazāroñ lekin
terī ḳhātir thā jo raushan vo judā ho jaise
ab to bas yaad hai itnā hī ta'āruf us se
koī raste meñ achānak hī milā ho jaise
us kī jhapkan meñ mirā naam thā maiñ chauñk gayā
mujh ko lagtā thā ki har shai ne sunā ho jaise
tum mirā haal sunoge to pareshāñ hoge
ujḌī qabroñ se diyā TuuTā milā ho jaise
us kā maiñ naam jo dohrā.ūñ bhalā lagtā hai
naam us kā ye farishtoñ ne rakhā ho jaise
ab añdheroñ meñ bhī chalne kā maiñ 'aadī huuñ 'shahāb'
mere is dil meñ mohabbat kā diyā ho jaise
rang aankhon se bhi lagta hai naya ho jaise
dil ki dhaDkan ne koi saz buna ho jaise
us ki aankhon mein the paigham hazaron lekin
teri KHatir tha jo raushan wo juda ho jaise
ab to bas yaad hai itna hi ta'aruf us se
koi raste mein achanak hi mila ho jaise
us ki jhapkan mein mera nam tha main chaunk gaya
mujh ko lagta tha ki har shai ne suna ho jaise
tum mera haal sunoge to pareshan hoge
ujDi qabron se diya TuTa mila ho jaise
us ka main nam jo dohraun bhala lagta hai
nam us ka ye farishton ne rakha ho jaise
ab andheron mein bhi chalne ka main 'adi hun 'shahab'
mere is dil mein mohabbat ka diya ho jaise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.