rang aansu hansi samajhte the

rang aañsū hañsī samajhte the

tum mirī an-kahī samajhte the

sirf sohbat kā faiz hai varna

ḳhaak ham zindagī samajhte the

dil-mohalle ko chhoḌne vaale

saañs kī symphony samajhte the

ḳhalvat-e-jāñ meñ bazm-ārā.ī

dasht ko qais hī samajhte the

nāsehā ek daur thā ham bhī

'ishq ko dil-lagī samajhte the

ab jo samjhe nahīñ gila kaisā

aap pahle kabhī samajhte the

dāman-e-koh-e-ġham ke bāshinde

dāstān-e-ḳhafī samajhte the

rang aansu hansi samajhte the

tum meri an-kahi samajhte the

sirf sohbat ka faiz hai warna

KHak hum zindagi samajhte the

dil-mohalle ko chhoDne wale

sans ki symphony samajhte the

KHalwat-e-jaan mein bazm-arai

dasht ko qais hi samajhte the

naseha ek daur tha hum bhi

'ishq ko dil-lagi samajhte the

ab jo samjhe nahin gila kaisa

aap pahle kabhi samajhte the

daman-e-koh-e-gham ke bashinde

dastan-e-KHafi samajhte the