رنگ بھرنا کبھی خاکوں میں کہانی لکھنا
رنگ بھرنا کبھی خاکوں میں کہانی لکھنا
داستاں غم کی کوئی یاد پرانی لکھنا
دیکھنا جو بھی سمو دینا اسے لفظوں میں
کبھی اوروں کی کبھی اپنی کہانی لکھنا
کھولنا جب کبھی گزرے ہوئے لمحوں کے کواڑ
صبح ارمان بھری شام سہانی لکھنا
پہلے رکھ دینا چراغوں کو سر راہ گزر
پھر کسی بھٹکے مسافر کی کہانی لکھنا
کبھی رم جھم کبھی خوشبو تو کبھی باد نسیم
اس کے لہجے کو بہاروں کی جوانی لکھنا
یاد میں اس کی جو تکیے کو بھگو دیتے ہیں
ان کو موتی ہی نہیں لعل یمانی لکھنا
درد اور پیار میں کیا رشتہ ہے اس کو بھی کبھی
دے جو مہلت تمہیں اشکوں کی روانی لکھنا
چند اشعار سے کیا ہوگی تسلی تسنیمؔ
لکھنے بیٹھی ہو تو اب ساری کہانی لکھنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
