rang-e-taswir-e-jahan ko tera naqsha samjha

rañg-e-tasvīr-e-jahāñ ko tirā naqshā samjhā

zarre zarre ko maiñ ik husn-e-sarāpā samjhā

mahv-e-hairat jo tasavvur ne banāyā mujh ko

apnī tasvīr ko maiñ terā sarāpā samjhā

be-ḳhud-e-jalva kabhī aur kabhī hushiyār rahā

kabhī ma.abūd kabhī ḳhud ko maiñ banda samjhā

vā-e-ġhaflat ki sarāb-āsā na jaanā us ko

bhuul itnī huī duniyā ko maiñ duniyā samjhā

dīda-e-tar ne uThā.e vo shab-e-ġham tūfāñ

jo girā aañkh se qatra use dariyā samjhā

rang-e-taswir-e-jahan ko tera naqsha samjha

zarre zarre ko main ek husn-e-sarapa samjha

mahw-e-hairat jo tasawwur ne banaya mujh ko

apni taswir ko main tera sarapa samjha

be-KHud-e-jalwa kabhi aur kabhi hushiyar raha

kabhi mabud kabhi KHud ko main banda samjha

wa-e-ghaflat ki sarab-asa na jaana us ko

bhul itni hui duniya ko main duniya samjha

dida-e-tar ne uThae wo shab-e-gham tufan

jo gira aankh se qatra use dariya samjha