rang jazbaat mein bhar jaane ko ji chahta hai
rang jazbaat mein bhar jaane ko ji chahta hai
Niyaz Husain Lakhwera
MORE BYNiyaz Husain Lakhwera
rañg jazbāt meñ bhar jaane ko jī chāhtā hai
kaam ik pyārā sā kar jaane ko jī chāhtā hai
dasht-e-tārīk to ik umr huī chhān liyā
ab to sūraj ke nagar jaane ko jī chāhtā hai
ruuh meñ ḳhvāhisheñ itnī haiñ ki jiinā chāhūñ
karb itnā hai ki mar jaane ko jī chāhtā hai
ḳhauf-e-ehsās-e-nadāmat ko miTāne ke liye
raat Dhal jaa.e to ghar jaane ko jī chāhtā hai
dard rag rag meñ kuchh is tarah utar jaatā hai
zindagī se bhī mukar jaane ko jī chāhtā hai
shāyad is tarah mile apnī haqīqat kā surāġh
aap apne meñ utar jaane ko jī chāhtā hai
rang jazbaat mein bhar jaane ko ji chahta hai
kaam ek pyara sa kar jaane ko ji chahta hai
dasht-e-tarik to ek umr hui chhan liya
ab to suraj ke nagar jaane ko ji chahta hai
ruh mein KHwahishen itni hain ki jina chahun
karb itna hai ki mar jaane ko ji chahta hai
KHauf-e-ehsas-e-nadamat ko miTane ke liye
raat Dhal jae to ghar jaane ko ji chahta hai
dard rag rag mein kuchh is tarah utar jata hai
zindagi se bhi mukar jaane ko ji chahta hai
shayad is tarah mile apni haqiqat ka suragh
aap apne mein utar jaane ko ji chahta hai
- Book : Abr, Hawa aur Barish (Pg. 109)
- Author : Niyaz Hussain Lakhvira
- Publication : Mavaraa Publications (1988)
- Edition : 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
