رنگ جو بھی مرے خیال کے ہیں

رنگ جو بھی مرے خیال کے ہیں

سب اسی پیکر جمال کے ہیں

عشق ہے اپنی آخری حد میں

اور ہم اب بھی بیس سال کے ہیں

محنتیں حوصلے وفاداری

مجھ میں کچھ عیب تو کمال کے ہیں

فن اگر بے نظیر ہے میرا

رت جگے بھی تو پھر مثال کے ہیں

میری نیندیں حرام ہیں لیکن

میرے اشعار سب حلال کے ہیں

حسن ہے کمسنی کے عالم میں

یہ شب و روز دیکھ بھال کے ہیں

آج بھی لڑکیوں کی محفل میں

تذکرے میرے خد و خال کے ہیں

حسن ہو عشق ہو محبت ہو

سارے آثار ہی زوال کے ہیں