rang KHushbu na sada hun tere kis kaam ka hun

rang ḳhushbū na sadā huuñ tire kis kaam kā huuñ

tū hī ḳhud soch maiñ kyā huuñ tire kis kaam kā huuñ

ham-nafas qarya-e-pur-nūr ke rahne vaale

ek maddham sā diyā huuñ tire kis kaam kā huuñ

maiñ zarūrat thā magar terī tamanna to nahīñ

kyuuñ tirā saath nibhā.ūñ tire kis kaam kā huuñ

terī marzī mirā masraf to nikāle jo bhī

maiñ to ye jānñā chāhūñ tire kis kaam kā huuñ

terā maslak hī ye hangāma-e-hastī hai magar

maiñ ki mahrūm-e-navā huuñ tire kis kaam kā hai

tū jo us paar khaḌā hai to mujhe kyā 'tāriq'

maiñ jo is paar khaḌā huuñ tire kis kaam kā huuñ

rang KHushbu na sada hun tere kis kaam ka hun

tu hi KHud soch main kya hun tere kis kaam ka hun

ham-nafas qarya-e-pur-nur ke rahne wale

ek maddham sa diya hun tere kis kaam ka hun

main zarurat tha magar teri tamanna to nahin

kyun tera sath nibhaun tere kis kaam ka hun

teri marzi mera masraf to nikale jo bhi

main to ye jaanna chahun tere kis kaam ka hun

tera maslak hi ye hangama-e-hasti hai magar

main ki mahrum-e-nawa hun tere kis kaam ka hai

tu jo us par khaDa hai to mujhe kya 'tariq'

main jo is par khaDa hun tere kis kaam ka hun