rang laegi meri wafa dekhna

rang lā.egī merī vafā dekhnā

miT hī jā.egā har fāsla dekhnā

dāvat-e-dīd dete haiñ manzar ka.ī

sāmne tum agar ho to kyā dekhnā

merā milnā koī mas.ala bhī nahīñ

shart hai karke koshish zarā dekhnā

jā rahe to ho tum gaañv ko chhoḌ kar

shahr kī pahle āb-o-havā dekhnā

har jagah mujh ko pāoge apne qarīb

tum kahīñ se bhī de kar sadā dekhnā

merī ḳhvāhish yahī merā armāñ yahī

har ghaḌī tum ko hañstā huā dekhnā

us ke patte 'razā' zard hone lage

maiñ ne chāhā thā jis ko harā dekhnā

rang laegi meri wafa dekhna

miT hi jaega har fasla dekhna

dawat-e-did dete hain manzar kai

samne tum agar ho to kya dekhna

mera milna koi masala bhi nahin

shart hai karke koshish zara dekhna

ja rahe to ho tum ganw ko chhoD kar

shahr ki pahle aab-o-hawa dekhna

har jagah mujh ko paoge apne qarib

tum kahin se bhi de kar sada dekhna

meri KHwahish yahi mera arman yahi

har ghaDi tum ko hansta hua dekhna

us ke patte 'raza' zard hone lage

main ne chaha tha jis ko hara dekhna