rang laya diwana-pan mera

rañg laayā divāna-pan merā

sī rahe haiñ vo pairahan merā

maiñ naved-e-bahār laayā thā

tazkira har chaman chaman merā

shabnam-e-fikr-o-gulsitān-e-suḳhan

jagmagātā hai phūlban merā

lāla-o-gul khile haiñ kāñToñ par

in meñ uljhā thā pairahan merā

ye bhī ab tak nahīñ huā ma.alūm

maiñ sajan kā huuñ yā sajan merā

jo bhī hai sab tirī ināyat hai

jaan merī na ye badan merā

kyā tujhe bhī ḳhayāl aatā hai

kabhī bhūle se jān-e-man merā

us ne dekhā thā muskurā ke kabhī

umr bhar dil rahā magan merā

ai sharāb-e-suḳhan ke matvāle

kuchh suḳhan hī nahīñ hai fan merā

'vajd' kis kā vatan kahāñ kā vatan

vo jahāñ haiñ vahīñ vatan merā

rang laya diwana-pan mera

si rahe hain wo pairahan mera

main nawed-e-bahaar laya tha

tazkira har chaman chaman mera

shabnam-e-fikr-o-gulsitan-e-suKHan

jagmagata hai phulban mera

lala-o-gul khile hain kanTon par

in mein uljha tha pairahan mera

ye bhi ab tak nahin hua malum

main sajan ka hun ya sajan mera

jo bhi hai sab teri inayat hai

jaan meri na ye badan mera

kya tujhe bhi KHayal aata hai

kabhi bhule se jaan-e-man mera

us ne dekha tha muskura ke kabhi

umr bhar dil raha magan mera

ai sharab-e-suKHan ke matwale

kuchh suKHan hi nahin hai fan mera

'wajd' kis ka watan kahan ka watan

wo jahan hain wahin watan mera