rang-o-ramish zamzame gul-ha-e-tar hote hue

rañg-o-rāmish zamzame gul-hā-e-tar hote hue

dil akelā aur itne ham-safar hote hue

āñsuoñ se sard ho jaatī hai har siine kī aag

merā dil ātish-kada hai chashm-tar hote hue

dil kī duniyā meñ añdherā ho to kuchh raushan nahīñ

aañkh chashm-e-sañg hai shams o qamar hote hue

chashm aage ek chehra paañv go chakkar meñ haiñ

dar-ba-dar hotā nahīñ dil dar-ba-dar hote hue

hausla TuuTā to vo ibrat kā manzar aa gayā

uḌ nahīñ paayā parinda bāl-o-par hote hue

nisf duniyā bhuuk se aur pyaas se maġhlūb hai

dast o baazū zehn o dil la.al-o-gohar hote hue

har kas-o-nā-kas pe kar letā hai fauran e'tibār

be-ḳhabar kitnā hai 'ḳhālid' bā-ḳhabar hote hue

rang-o-ramish zamzame gul-ha-e-tar hote hue

dil akela aur itne ham-safar hote hue

aansuon se sard ho jati hai har sine ki aag

mera dil aatish-kada hai chashm-tar hote hue

dil ki duniya mein andhera ho to kuchh raushan nahin

aankh chashm-e-sang hai shams o qamar hote hue

chashm aage ek chehra panw go chakkar mein hain

dar-ba-dar hota nahin dil dar-ba-dar hote hue

hausla TuTa to wo ibrat ka manzar aa gaya

uD nahin paya parinda baal-o-par hote hue

nisf duniya bhuk se aur pyas se maghlub hai

dast o bazu zehn o dil lal-o-gohar hote hue

har kas-o-na-kas pe kar leta hai fauran e'tibar

be-KHabar kitna hai 'KHalid' ba-KHabar hote hue