rang par jab wo bazm-e-naz aai

rañg par jab vo bazm-e-nāz aa.ī

ham uThe le ke dard-e-tanhā.ī

kis se pūchheñ tilism-e-hastī meñ

ham tamāshā haiñ yā tamāshā.ī

thā ġham-e-ishq jāñ-gudāz magar

kuchh usī ġham ne kī masīhā.ī

haa.e kis sādgī se sīkhā hai

husn ne ehtimām-e-rānā.ī

āḳhir-e-shab zabān-e-sham.a pe hai

dāstān-e-hujūm-e-tanhā.ī

chand ḳhūnīñ-jigar hue rusvā

muskurāyā chaman bahār aa.ī

chup rahe ham to ḳhuuñ huā dil kā

baat kī hai to aañkh bhar aa.ī

haa.e is daur-e-aql-o-dānish ne

kar diyā aadmī ko saudā.ī

ham chaman meñ na the to ḳhud hī 'ravish'

bū-e-gul dasht tak chalī aa.ī

rang par jab wo bazm-e-naz aai

hum uThe le ke dard-e-tanhai

kis se puchhen tilism-e-hasti mein

hum tamasha hain ya tamashai

tha gham-e-ishq jaan-gudaz magar

kuchh usi gham ne ki masihai

hae kis sadgi se sikha hai

husn ne ehtimam-e-ranai

aaKHir-e-shab zaban-e-shama pe hai

dastan-e-hujum-e-tanhai

chand KHunin-jigar hue ruswa

muskuraya chaman bahaar aai

chup rahe hum to KHun hua dil ka

baat ki hai to aankh bhar aai

hae is daur-e-aql-o-danish ne

kar diya aadmi ko saudai

hum chaman mein na the to KHud hi 'rawish'

bu-e-gul dasht tak chali aai