rang se bezar tha KHushbu se uktaya hua

rang se bezār thā ḳhushbū se uktāyā huā

fasl-e-gul ruḳhsat huī dil ne kahā achchhā huā

pyaas ke maare hue kuchh log mujh ko yaad haiñ

bhuul jā.ūñgā unheñ jis roz maiñ dariyā huā

maiñ vahīñ samjhā ki ab dil par tabāhī aa ga.ī

har na.e chehre pe jab pahchān kā dhoka huā

chāñd kyoñ maddham huā ghar ke charāġhoñ kī tarah

aañkh hī dhuñdlā ga.ī ki abr hai chhāyā huā

ham vahī haiñ kal jinheñ chehre pe apne naaz thā

ab hamāre sāmne hai aa.ina TuuTā huā

ruuTh kar jaanā tumhārā maiñ na bhūlūñgā kabhī

chaudhvīñ kā chāñd thā us raat gahnāyā huā

rang se bezar tha KHushbu se uktaya hua

fasl-e-gul ruKHsat hui dil ne kaha achchha hua

pyas ke mare hue kuchh log mujh ko yaad hain

bhul jaunga unhen jis roz main dariya hua

main wahin samjha ki ab dil par tabahi aa gai

har nae chehre pe jab pahchan ka dhoka hua

chand kyon maddham hua ghar ke charaghon ki tarah

aankh hi dhundla gai ki abr hai chhaya hua

hum wahi hain kal jinhen chehre pe apne naz tha

ab hamare samne hai aaina TuTa hua

ruTh kar jaana tumhaara main na bhulunga kabhi

chaudhwin ka chand tha us raat gahnaya hua