rang to maujud ki taswir ho sakte nahin

rañg to maujūd kī tasvīr ho sakte nahīñ

vo jo manzar ḳhvāb haiñ ta.abīr ho sakte nahīñ

kyuuñ mujhe ash.ār kahne kā hunar us ne diyā

mujh se mere dukh agar tahrīr ho sakte nahīñ

aañkh meñ manzar to aa sakte haiñ sūrat oḌh kar

aa.ine to aks se zanjīr ho sakte nahīñ

maiñ hī apne dard-o-ġham likkhūñgā apne haath se

ye janāze aap se tahrīr ho sakte nahīñ

sarf ho jā.eñge ham us kī mohabbat meñ yūñhī

sarf ho jā.eñge ham tasḳhīr ho sakte nahīñ

is zamīñ kī Toh meñ rahnā himāqat hai miyāñ

jis zamīñ pe sher bhī ta.amīr ho sakte nahīñ

guftugū ye kah rahī hai baat meñ halke ho tum

so murīdī meñ raho tum piir ho sakte nahīñ

niiñd to be-kār meñ in kosnoñ kī zad meñ hai

ḳhvāb hī aise haiñ jo ta.abīr ho sakte nahīñ

is ko sehl-e-mumtana.a meñ baat aa.egī samajh

'zeb' aise sher to tafsīr ho sakte nahīñ

rang to maujud ki taswir ho sakte nahin

wo jo manzar KHwab hain tabir ho sakte nahin

kyun mujhe ashaar kahne ka hunar us ne diya

mujh se mere dukh agar tahrir ho sakte nahin

aankh mein manzar to aa sakte hain surat oDh kar

aaine to aks se zanjir ho sakte nahin

main hi apne dard-o-gham likkhunga apne hath se

ye janaze aap se tahrir ho sakte nahin

sarf ho jaenge hum us ki mohabbat mein yunhi

sarf ho jaenge hum tasKHir ho sakte nahin

is zamin ki Toh mein rahna himaqat hai miyan

jis zamin pe sher bhi tamir ho sakte nahin

guftugu ye kah rahi hai baat mein halke ho tum

so muridi mein raho tum pir ho sakte nahin

nind to be-kar mein in kosnon ki zad mein hai

KHwab hi aise hain jo tabir ho sakte nahin

is ko sehl-e-mumtana mein baat aaegi samajh

'zeb' aise sher to tafsir ho sakte nahin