rangat use pasand hai ai nastaran safed

rañgat use pasand hai ai nastaran safed

pahne na kyuuñ vo rashk-e-chaman pairahan safed

bhātā hai us ko shīr-o-shakar kā talāzma

rakhtā hai apne daañt vo shīrīñ-dahan safed

baiThe haiñ gird sīmtanān-e-safed-posh

us māhtāb kī hai tamām anjuman safed

hai be-hinā bhī panja-e-nāzuk par ik bahār

hote haiñ ba.az ba.az gul-e-nāravan safed

maiñ rañg-e-chashm-e-vahshī-e-jānāñ se tañg huuñ

aadhā hiran siyāh hai aadhā hiran safed

rañgīni-e-libās se ahl-e-fanā ko kyā

hai ibtidā-e-dahr se raḳht-e-kafan safed

rangat use pasand hai ai nastaran safed

pahne na kyun wo rashk-e-chaman pairahan safed

bhata hai us ko shir-o-shakar ka talazma

rakhta hai apne dant wo shirin-dahan safed

baiThe hain gird simtanan-e-safed-posh

us mahtab ki hai tamam anjuman safed

hai be-hina bhi panja-e-nazuk par ek bahaar

hote hain baz baz gul-e-narawan safed

main rang-e-chashm-e-wahshi-e-jaanan se tang hun

aadha hiran siyah hai aadha hiran safed

rangini-e-libas se ahl-e-fana ko kya

hai ibtida-e-dahr se raKHt-e-kafan safed