rangat ye ruKH ki aur ye aalam naqab ka

rañgat ye ruḳh kī aur ye aalam naqāb kā

dāman meñ koī phuul liye hai gulāb kā

chāroñ taraf se us pe nigāhoñ kā baar hai

mushkil hai un ko ruḳh se uThānā naqāb kā

taskīn-e-ḳhāk dete haiñ rakh kar jigar pe haath

pahlū badal rahe haiñ mire iztirāb kā

muddat huī vahī hai zamāne kā inqilāb

naqshā khiñchā huā hai mire iztirāb kā

bachpan kahāñ tak un kī umañgoñ ko roktā

āḳhir ko rañg phuuT hī niklā shabāb kā

ronā ḳhushī kā rotī hai bulbul bahār meñ

chhiḌkāv ho rahā hai chaman meñ gulāb kā

jhalkī dikhā ke aur vo bijlī girā ga.e

achchhā kiyā ilaaj mire iztirāb kā

ḳhāk-e-chaman pe shabnam o gul kā ajab hai rañg

sāġhar kisī se chhūT paḌā hai sharāb kā

kho.e hue haiñ shāhid o ma.anī kī dhun meñ ham

ye bhī 'jalīl' ek junūñ hai shabāb kā

rangat ye ruKH ki aur ye aalam naqab ka

daman mein koi phul liye hai gulab ka

chaaron taraf se us pe nigahon ka bar hai

mushkil hai un ko ruKH se uThana naqab ka

taskin-e-KHak dete hain rakh kar jigar pe hath

pahlu badal rahe hain mere iztirab ka

muddat hui wahi hai zamane ka inqilab

naqsha khincha hua hai mere iztirab ka

bachpan kahan tak un ki umangon ko rokta

aaKHir ko rang phuT hi nikla shabab ka

rona KHushi ka roti hai bulbul bahaar mein

chhiDkaw ho raha hai chaman mein gulab ka

jhalki dikha ke aur wo bijli gira gae

achchha kiya ilaj mere iztirab ka

KHak-e-chaman pe shabnam o gul ka ajab hai rang

saghar kisi se chhuT paDa hai sharab ka

khoe hue hain shahid o mani ki dhun mein hum

ye bhi 'jalil' ek junun hai shabab ka