ranj-e-duniya ho ki ranj-e-ashiqi kya dekhna

ranj-e-duniyā ho ki rañj-e-āshiqī kyā dekhnā

saarī ḳhushiyāñ hairateñ sab ek sī kyā dekhnā

baaġh bāzār-e-tamāshā aañkh jūyā-e-bahār

chashm-e-nargis yā tan-e-sarv-e-sahī kyā dekhnā

dekhnā kyā ek hī shai sū-e-bātin dekhiye

be-hisī be-chehragī be-manzarī kyā dekhnā

saaz meñ bālā-e-naġhma aur āvāzeñ bhī haiñ

ik sharār-e-naġhmagī āvāz kī kyā dekhnā

rāh-e-sahrā hai na aatī hai kahīñ fasl-e-bahār

ishq meñ dīvāngī jāma-darī kyā dekhnā

mushkiloñ meñ kaam aa jaatī hai āshufta-sarī

ai junūñ-sāmān-e-kār-e-āgahī kyā dekhnā

jab use dekhā to jī chāhā ki dekhā hī karūñ

sochtā ye thā ki nāz-e-dilbarī kyā dekhnā

ranj-e-duniya ho ki ranj-e-ashiqi kya dekhna

sari KHushiyan hairaten sab ek si kya dekhna

bagh bazar-e-tamasha aankh juya-e-bahaar

chashm-e-nargis ya tan-e-sarw-e-sahi kya dekhna

dekhna kya ek hi shai su-e-baatin dekhiye

be-hisi be-chehragi be-manzari kya dekhna

saz mein baala-e-naghma aur aawazen bhi hain

ek sharar-e-naghmagi aawaz ki kya dekhna

rah-e-sahra hai na aati hai kahin fasl-e-bahaar

ishq mein diwangi jama-dari kya dekhna

mushkilon mein kaam aa jati hai aashufta-sari

ai junun-saman-e-kar-e-agahi kya dekhna

jab use dekha to ji chaha ki dekha hi karun

sochta ye tha ki naz-e-dilbari kya dekhna