ranj ek talKH haqiqat ka faqat hai mujhko

rañj ik talḳh haqīqat kā faqat hai mujh ko

mere ahbāb ne aañkā hī ġhalat hai mujh ko

ba.ad muddat ke gulāboñ kī mahak aa.ī hai

us ne pardes se bhejā koī ḳhat hai mujh ko

mauj-e-tūfān se begāna huā huuñ phir maiñ

phir mayassar huī āsānī-e-shat hai mujh ko

harf kī shakl meñ Dhaltī haiñ lakīreñ ḳhud se

aa ke detā koī paiġhām-e-nuqat hai mujh ko

kar diyā kund havāoñ kī namī ne jis ko

usī ḳhanjar se lagānā koī qat hai mujh ko

kunj-e-tārīk meñ yuuñ jhāñk rahā huuñ 'rāhat'

jaise darkār koī baiza-e-bat hai mujh ko

ranj ek talKH haqiqat ka faqat hai mujh ko

mere ahbab ne aanka hi ghalat hai mujh ko

baad muddat ke gulabon ki mahak aai hai

us ne pardes se bheja koi KHat hai mujh ko

mauj-e-tufan se begana hua hun phir main

phir mayassar hui aasani-e-shat hai mujh ko

harf ki shakl mein Dhalti hain lakiren KHud se

aa ke deta koi paigham-e-nuqat hai mujh ko

kar diya kund hawaon ki nami ne jis ko

usi KHanjar se lagana koi qat hai mujh ko

kunj-e-tarik mein yun jhank raha hun 'rahat'

jaise darkar koi baiza-e-bat hai mujh ko