ranj jo dida-e-namnak mein dekha gaya hai
rañj jo dīda-e-namnāk meñ dekhā gayā hai
ye faqat sīna-e-sad-chāk meñ dekhā gayā hai
is se aage hai miyāñ muntziroñ kī bastī
ik diyā jaltā huā taaq meñ dekhā gayā hai
ai junūñ us kī kahānī bhī sunā.ūñgā tujhe
ye jo paivand mire chaak meñ dekhā gayā hai
ya.anī ik aañkh abhī DhūñDhtī phirtī hai mujhe
ya.anī ik tiir mirī taak meñ dekhā gayā hai
ek ḳhvāhish kā mire dil meñ utarnā 'ashfāq'
ik sharāra ḳhas-o-ḳhāshāk meñ dekhā gayā hai
hijr aur dasht meñ jo shaḳhs bhī Thahrā 'ashfāq'
tajraba uḌtī huī ḳhaak meñ dekhā gayā hai
ranj jo dida-e-namnak mein dekha gaya hai
ye faqat sina-e-sad-chaak mein dekha gaya hai
is se aage hai miyan muntziron ki basti
ek diya jalta hua taq mein dekha gaya hai
ai junun us ki kahani bhi sunaunga tujhe
ye jo paiwand mere chaak mein dekha gaya hai
yani ek aankh abhi DhunDhti phirti hai mujhe
yani ek tir meri tak mein dekha gaya hai
ek KHwahish ka mere dil mein utarna 'ashfaq'
ek sharara KHas-o-KHashak mein dekha gaya hai
hijr aur dasht mein jo shaKHs bhi Thahra 'ashfaq'
tajraba uDti hui KHak mein dekha gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
