ranj-o-gham se jab kabhi manus ho jata hai dil

ranj-o-ġham se jab kabhī mānūs ho jaatā hai dil

mauj ban kar gardish-e-daurāñ se Takrātā hai dil

bas meñ rahte rahte hāthoñ se nikal jaatā hai dil

yā'nī aatā hai to be-ḳhauf-o-ḳhatar aatā hai dil

dil kī raunaq se hai qaa.em raunaq-e-bazm-e-jahāñ

muñh chhupātī haiñ bahāreñ jab ujaḌ jaatā hai dil

dil to dil hai TūTne meñ der lagtī hī nahīñ

jazba-e-sādiq salāmat ho to juḌ jaatā hai dil

TūTnā dil kā batā.ūñ kis tarah tum ko 'adīb'

ik laraztī shāḳh kī mānind tharrātā hai dil

ranj-o-gham se jab kabhi manus ho jata hai dil

mauj ban kar gardish-e-dauran se Takraata hai dil

bas mein rahte rahte hathon se nikal jata hai dil

ya'ni aata hai to be-KHauf-o-KHatar aata hai dil

dil ki raunaq se hai qaem raunaq-e-bazm-e-jahan

munh chhupati hain bahaaren jab ujaD jata hai dil

dil to dil hai TuTne mein der lagti hi nahin

jazba-e-sadiq salamat ho to juD jata hai dil

TuTna dil ka bataun kis tarah tum ko 'adib'

ek larazti shaKH ki manind tharraata hai dil