ranj-o-gham soz-e-nihani se mafar pane ko

ranj-o-ġham soz-e-nihānī se mafar paane ko

rind to rind chale shaiḳh bhī maiḳhāne ko

sāqiyā thoḌī bahut thoḌī are aur bhī kam

chāhiye itnī ki pī luuñ maiñ qasam khāne ko

narm bistar hī zarūrī nahīñ sone ke liye

sham.a kī god meñ niiñd aa ga.ī parvāne ko

maut ko maut hai is kā bhī zarā dhyān rahe

aap aa.e haiñ jo bekas pe sitam Dhāne ko

apne andar bhī zarā jhāñk ke dekhe vaa.iz

vo jo aaya hai balā-nosh ko samjhāne ko

ranj-o-gham soz-e-nihani se mafar pane ko

rind to rind chale shaiKH bhi maiKHane ko

saqiya thoDi bahut thoDi are aur bhi kam

chahiye itni ki pi lun main qasam khane ko

narm bistar hi zaruri nahin sone ke liye

shama ki god mein nind aa gai parwane ko

maut ko maut hai is ka bhi zara dhyan rahe

aap aae hain jo bekas pe sitam Dhane ko

apne andar bhi zara jhank ke dekhe waiz

wo jo aaya hai bala-nosh ko samjhane ko