ranj to meri chashm-e-tar mein hai

ranj to merī chashm-e-tar meñ hai

dard kaisā tire jigar meñ hai

tere isrār par hañsūñ kaise

merā har ġham tire nazar meñ hai

mil ga.iiñ sab ko manzileñ lekin

zindagī merī hī safar meñ hai

mere kirdār meñ nahīñ hai jafā

bevafā.ī tire hunar meñ hai

shahr-e-insāf jis ko kahte haiñ

merā qātil usī nagar meñ hai

vo samajhtā hai be-ḳhabar mujh ko

jo hamesha mirī nazar meñ hai

jis kī ḳhātir bhulā diyā ḳhud ko

vo abhī tak agar magar meñ hai

jab se aa.iiñ hai beTiyāñ 'raunaq'

tab se barakat hī mere ghar meñ hai

ranj to meri chashm-e-tar mein hai

dard kaisa tere jigar mein hai

tere israr par hansun kaise

mera har gham tere nazar mein hai

mil gain sab ko manzilen lekin

zindagi meri hi safar mein hai

mere kirdar mein nahin hai jafa

bewafai tere hunar mein hai

shahr-e-insaf jis ko kahte hain

mera qatil usi nagar mein hai

wo samajhta hai be-KHabar mujh ko

jo hamesha meri nazar mein hai

jis ki KHatir bhula diya KHud ko

wo abhi tak agar magar mein hai

jab se aain hai beTiyan 'raunaq'

tab se barakat hi mere ghar mein hai