رنج تو میری چشم تر میں ہے

رنج تو میری چشم تر میں ہے

درد کیسا ترے جگر میں ہے

تیرے اصرار پر ہنسوں کیسے

میرا ہر غم ترے نظر میں ہے

مل گئیں سب کو منزلیں لیکن

زندگی میری ہی سفر میں ہے

میرے کردار میں نہیں ہے جفا

بے وفائی ترے ہنر میں ہے

شہر انصاف جس کو کہتے ہیں

میرا قاتل اسی نگر میں ہے

وہ سمجھتا ہے بے خبر مجھ کو

جو ہمیشہ مری نظر میں ہے

جس کی خاطر بھلا دیا خود کو

وہ ابھی تک اگر مگر میں ہے

جب سے آئیں ہے بیٹیاں رونقؔ

تب سے برکت ہی میرے گھر میں ہے