ranjishen sab miTa ke aaya hun

ranjisheñ sab miTā ke aaya huuñ

maiñ bahut duur jā ke aaya huuñ

maiñ madad-gār thā charāġhoñ kā

kaam lekin havā ke aaya huuñ

us ko mil bhī nahīñ sakūñgā maiñ

aur patā bhī batā ke aaya huuñ

dasht kāñdhā thapak rahā hai mirā

ḳhāk-e-dariyā uḌā ke aaya huuñ

vo bhī ḳhud ko valī samajhtā hai

jis ko pāgal banā ke aaya huuñ

ranjishen sab miTa ke aaya hun

main bahut dur ja ke aaya hun

main madad-gar tha charaghon ka

kaam lekin hawa ke aaya hun

us ko mil bhi nahin sakunga main

aur pata bhi bata ke aaya hun

dasht kandha thapak raha hai mera

KHak-e-dariya uDa ke aaya hun

wo bhi KHud ko wali samajhta hai

jis ko pagal bana ke aaya hun