raqs-e-bismil ki mere dil ko ada bhi aae

raqs-e-bismil kī mire dil ko adā bhī aa.e

mujh se bichhaḌo to taḌapne kā mazā bhī aa.e

ālam-e-habs hai kuchh ThanDī havā bhī aa.e

yaad aise meñ tirī koī vafā bhī aa.e

chand lamhoñ ko haTā apnī anā ke parde

khiḌkiyāñ khol to kuchh taaza havā bhī aa.e

ab kahāñ se tumheñ lauTā.eñ tumhāre vo ḳhutūt

ham to kab kā unheñ dariyā meñ bahā bhī aa.e

raqs-e-bismil ki mere dil ko ada bhi aae

mujh se bichhaDo to taDapne ka maza bhi aae

aalam-e-habs hai kuchh ThanDi hawa bhi aae

yaad aise mein teri koi wafa bhi aae

chand lamhon ko haTa apni ana ke parde

khiDkiyan khol to kuchh taza hawa bhi aae

ab kahan se tumhein lauTaen tumhaare wo KHutut

hum to kab ka unhen dariya mein baha bhi aae