raqs-e-masti dekhte josh-e-tamanna dekhte

raqs-e-mastī dekhte josh-e-tamannā dekhte

sāmne lā kar tujhe apnā tamāshā dekhte

kam se kam husn-e-taḳhyyul kā tamāshā dekhte

jalva-e-yūsuf to kyā ḳhvāb-e-zuleḳhā dekhte

kuchh samajh kar ham ne rakkhā hai hijāb-e-deher ko

toḌ kar shīshe ko phir kyā rañg-e-sahbā dekhte

roz-e-raushan yā shab-e-mahtāb yā sub.h-e-chaman

ham jahāñ se chāhte vo rū-e-zebā dekhte

qalb par girtī taḌap kar phir vahī barq-e-jamāl

har bun-e-mū meñ vahī āshob o ġhauġhā dekhte

sad-zamāñ o sad-makāñ o īñ-jahāñ o āñ-jahāñ

tum na aa jaate to ham vahshat meñ kyā kyā dekhte

is tarah kuchh rañg bhar jaatā nigāh-e-shauq meñ

jalva ḳhud betāb ho jaatā vo parda dekhte

jin ko apnī shoḳhiyoñ par aaj itnā naaz hai

vo kisī din merī jān-e-nā-shakebā dekhte

mai-kade meñ zindagī hai shor-e-noshā-nosh hai

miT ga.e hote agar ham jaam o miinā dekhte

raqs-e-masti dekhte josh-e-tamanna dekhte

samne la kar tujhe apna tamasha dekhte

kam se kam husn-e-taKHyyul ka tamasha dekhte

jalwa-e-yusuf to kya KHwab-e-zuleKHa dekhte

kuchh samajh kar hum ne rakkha hai hijab-e-deher ko

toD kar shishe ko phir kya rang-e-sahba dekhte

roz-e-raushan ya shab-e-mahtab ya subh-e-chaman

hum jahan se chahte wo ru-e-zeba dekhte

qalb par girti taDap kar phir wahi barq-e-jamal

har bun-e-mu mein wahi aashob o ghaugha dekhte

sad-zaman o sad-makan o in-jahan o aan-jahan

tum na aa jate to hum wahshat mein kya kya dekhte

is tarah kuchh rang bhar jata nigah-e-shauq mein

jalwa KHud betab ho jata wo parda dekhte

jin ko apni shoKHiyon par aaj itna naz hai

wo kisi din meri jaan-e-na-shakeba dekhte

mai-kade mein zindagi hai shor-e-nosha-nosh hai

miT gae hote agar hum jam o mina dekhte