raqs karna tera kis ne dekha yahan ye hawa aur hai wo faza aur thi

raqs karnā tirā kis ne dekhā yahāñ ye havā aur hai vo fazā aur thī

ai mirī sarḳhushī vahshat-e-jism-o-jāñ ye havā aur hai vo fazā aur thī

is galī us galī mujh ko le kar phire ab vo vahshat nahīñ ab vo hālat nahīñ

hai dhḌaknā ajab mere dil kā yahāñ ye havā aur hai vo fazā aur thī

vasl likhtī thī pahle havā jism par ḳhvāb bunñā yahāñ kaam thā aañkh kā

maiñ ne maanā magar ai dil-e-ḳhush-gumāñ ye havā aur hai vo fazā aur thī

maiñ bhī vaisā nahīñ tum bhī vaise nahīñ ḳhush rakhe dil ko jo ab vo manzar nahīñ

kuchh nahīñ kuchh nahīñ pahle jaisā yahāñ ye havā aur hai vo fazā aur thī

aur dekheñ tirā kab talak rāsta aas bujhne lagī dil ulajhne lagā

bhuul jaa.eñ na ham aa mirī jān-e-jāñ ye havā aur hai vo fazā aur thī

vo mohabbat nahīñ ab vo qurbat nahīñ kuchh kaheñ kuchh suneñ dil kī bāteñ kareñ

koī aisā nahīñ ab dil-e-mehrbāñ ye havā aur hai vo fazā aur thī

mausam-e-gul kī laa.e ḳhizāñ ab ḳhabar ab ye imkāñ nahīñ ab vo mausam ki hai

har qadam rā.egāñ har nafas rā.egāñ ye havā aur hai vo fazā aur thī

hai junūñ-ḳhez dil aaj bhī raqs meñ ishq karnā use aaj bhī yaad hai

yaar 'ḳhāvar' kahāñ vo saf-e-dil-barāñ ye havā aur hai vo fazā aur thī

raqs karna tera kis ne dekha yahan ye hawa aur hai wo faza aur thi

ai meri sarKHushi wahshat-e-jism-o-jaan ye hawa aur hai wo faza aur thi

is gali us gali mujh ko le kar phire ab wo wahshat nahin ab wo haalat nahin

hai dhDakna ajab mere dil ka yahan ye hawa aur hai wo faza aur thi

wasl likhti thi pahle hawa jism par KHwab bunna yahan kaam tha aankh ka

main ne mana magar ai dil-e-KHush-guman ye hawa aur hai wo faza aur thi

main bhi waisa nahin tum bhi waise nahin KHush rakhe dil ko jo ab wo manzar nahin

kuchh nahin kuchh nahin pahle jaisa yahan ye hawa aur hai wo faza aur thi

aur dekhen tera kab talak rasta aas bujhne lagi dil ulajhne laga

bhul jaen na hum aa meri jaan-e-jaan ye hawa aur hai wo faza aur thi

wo mohabbat nahin ab wo qurbat nahin kuchh kahen kuchh sunen dil ki baaten karen

koi aisa nahin ab dil-e-mehrban ye hawa aur hai wo faza aur thi

mausam-e-gul ki lae KHizan ab KHabar ab ye imkan nahin ab wo mausam ki hai

har qadam raegan har nafas raegan ye hawa aur hai wo faza aur thi

hai junun-KHez dil aaj bhi raqs mein ishq karna use aaj bhi yaad hai

yar 'KHawar' kahan wo saf-e-dil-baran ye hawa aur hai wo faza aur thi