raqs karta hai jahan tasir mein

raqs kartā hai jahāñ tāsīr meñ

dhun hai aisī halqa-e-zanjīr meñ

kāTtā hai vo chaTāneñ umr bhar

Duub jaatī huuñ maiñ jū-e-shīr meñ

ab añdheroñ se kaho ruḳh moḌ leñ

aa gayā sūraj mirī taqdīr meñ

vaqt kī dahlīz par Thahrā huā

qaid hai lamha koī tasvīr meñ

vo mirī āñkhoñ meñ aatā hī nahīñ

tum nahīñ jis ḳhvāb kī ta.abīr meñ

dard miirā kā utar kar aa gayā

ishq ke chubhte hue ik tiir meñ

mere lahje meñ hai ḳhushbū 'sāhiba'

shoḳhī-e-gul khultī hai tafsīr meñ

raqs karta hai jahan tasir mein

dhun hai aisi halqa-e-zanjir mein

kaTta hai wo chaTanen umr bhar

Dub jati hun main ju-e-shir mein

ab andheron se kaho ruKH moD len

aa gaya suraj meri taqdir mein

waqt ki dahliz par Thahra hua

qaid hai lamha koi taswir mein

wo meri aankhon mein aata hi nahin

tum nahin jis KHwab ki tabir mein

dard mera ka utar kar aa gaya

ishq ke chubhte hue ek tir mein

mere lahje mein hai KHushbu 'sahiba'

shoKHi-e-gul khulti hai tafsir mein