رقص کرتے ہوئے نظارے ہیں ساتھ میں چاند ہے ستارے ہیں
رقص کرتے ہوئے نظارے ہیں ساتھ میں چاند ہے ستارے ہیں
آنکھ میں روشنی کے دھارے ہیں ساتھ میں چاند ہے ستارے ہیں
اس تسلسل میں اس روانی میں لاش ٹھہری ہوئی ہے پانی میں
بلبلیں ہاتھ پاؤں مارے ہیں ساتھ میں چاند ہے ستارے ہیں
ان کی آنکھوں میں خواب دنیا ہے رخ ہے یا آفتاب دنیا ہے
میری آنکھوں میں بس شرارے ہیں ساتھ میں چاند ہے ستارے ہیں
گردش وقت کا وجود وہ خواب اپنی خاطر ہے ہست و بود وہ خواب
تم ہمارے ہو ہم تمہارے ہیں ساتھ میں چاند ہے ستارے ہیں
سارے غم خوار ہیں چراغوں کے سب عزادار ہیں چراغوں کے
صبح سے ہم بھی جنگ ہارے ہیں ساتھ میں چاند ہیں ستارے ہیں
روشنی کب مجھے میسر ہے تیرگی ہی مرا مقدر ہے
یوں تو جگنو بھی ڈھیر سارے ہیں ساتھ میں چاند ہے ستارے ہیں
دل میں امید وصل جاگی ہے آرزو ننگے پاؤں بھاگی ہے
آسماں میں کچھ ابر پارے ہیں ساتھ میں چاند ہے ستارے ہیں
زندگی خواہشوں کے ملبے سے دے رہی ہے ہمیں صدا شہبازؔ
ہم کسی جھیل کے کنارے ہیں ساتھ میں چاند ہے ستارے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
