رقص کناں ہیں اس کی یادیں کچھ یوں میرے من آنگن

رقص کناں ہیں اس کی یادیں کچھ یوں میرے من آنگن

جیسے کسی رقاصہ کے پیروں میں گھنگھرو کی چھن چھن

جس دم اس بنجارہ لڑکی نے بستی میں پاؤں دھرا

بستی میں اک شور اٹھا سب چیخ رہے تھے اف جوبن

بازاروں میں سونے کے سب دام گرے پھر اوندھے منہ

اس نے جب اک شام اتارے اپنے ہاتھوں کے کنگن

کیول اک مخصوص سی دستک کی خاطر اک مدت سے

دروازے پر آنکھ ٹکا کر راہ نہارے اک برہن

کتنے مٹکے خالی رہ گئے کتنی آنکھیں بھر آئیں

جب سے تنہا چھوڑ گئے ہیں اپنے گوکل کو موہن