rashk-e-mahtab jahan-tab tha har qarya-e-jaan

rashk-e-mahtāb jahāñ-tāb thā har qarya-e-jāñ

jab bhī dil par chamak uTThe tire qadmoñ ke nishāñ

kaun guzrā hai mahak ban ke dayār-e-dil se

itnī gul-posh thiiñ kab shahr-e-talab kī galiyāñ

terī tasvīr ke partav nahīñ miTne paate

ek muddat se hai dil kārgah-e-shīsha-garāñ

aaj us moḌ pe hai shahr-e-tamannā ābād

tirā dāman nigah-e-shauq ne chūmā thā jahāñ

maiñ tire dard kī kulfat ko kahāñ le aayā

mere hamrāh dhaḌaktā hai dil-e-kaun-o-makāñ

itnī maddham to nahīñ hai mirī fariyād kī lai

in salāsil kī sadā gūñjegī zindāñ zindāñ

vaqt aa.egā ki dohrā.eñge ḳhud ahl-e-jafā

maiñ ne jo giit sunā.e haiñ sar-e-nok-e-sināñ

mauj-dar-mauj ubharte haiñ tamannā ke sarāb

merī tishna-dahnī meñ haiñ samundar pinhāñ

maiñ vo ashkoñ kā bhikārī huuñ sar-e-rāh-e-vafā

jis kī Thokar meñ rahā marhala-e-sūd-o-ziyāñ

maiñ vo saudā.ī-e-gul huuñ ki mirī āñkhoñ ne

sīna-e-ġhār meñ dekhī haiñ machaltī kaliyāñ

ġham ke lamhoñ kā ta.ayyun kabhī sochā to 'nasīm'

ek ik pal se mujhe jhāñk rahī thiiñ sadiyāñ

rashk-e-mahtab jahan-tab tha har qarya-e-jaan

jab bhi dil par chamak uTThe tere qadmon ke nishan

kaun guzra hai mahak ban ke dayar-e-dil se

itni gul-posh thin kab shahr-e-talab ki galiyan

teri taswir ke partaw nahin miTne pate

ek muddat se hai dil kargah-e-shisha-garan

aaj us moD pe hai shahr-e-tamanna aabaad

tera daman nigah-e-shauq ne chuma tha jahan

main tere dard ki kulfat ko kahan le aaya

mere hamrah dhaDakta hai dil-e-kaun-o-makan

itni maddham to nahin hai meri fariyaad ki lai

in salasil ki sada gunjegi zindan zindan

waqt aaega ki dohraenge KHud ahl-e-jafa

main ne jo git sunae hain sar-e-nok-e-sinan

mauj-dar-mauj ubharte hain tamanna ke sarab

meri tishna-dahni mein hain samundar pinhan

main wo ashkon ka bhikari hun sar-e-rah-e-wafa

jis ki Thokar mein raha marhala-e-sud-o-ziyan

main wo saudai-e-gul hun ki meri aankhon ne

sina-e-ghaar mein dekhi hain machalti kaliyan

gham ke lamhon ka tayyun kabhi socha to 'nasim'

ek ek pal se mujhe jhank rahi thin sadiyan