rata hai abruwan par hath aksar lawabaali ka

ratā hai abruvāñ par haath aksar lāvabālī kā

hunar sīkhā hai us shamshīr-zan ne bed-e-mālī kā

har ik jo uzv hai so misra-e-dilchasp hai mauzūñ

magar dīvān hai ye husn sar-tā-pā jamālī kā

nagīñ kī tarah dāġh-e-rashk suuñ kaalā huā laalā

liyā jab naam gulshan meñ tumhāre lab kī laalī kā

raqībāñ kī huā nāchīz bātāñ sun ke yuuñ bad-ḳhū

vagarna jag meñ shohrā thā sanam kī ḳhush-ḳhisālī kā

hamāre haq meñ nādānī suuñ kahnā ġhair kā maanā

gilā ab kyā karūñ us shoḳh kī maiñ ḳhurd-sālī kā

yahī charchā hai majlis meñ sajan kī har zabāñ upar

mirā qissa goyā mazmūñ huā hai sher-e-hālī kā

tumhārā qudratī hai husn ārā.ish kī kyā hājat

nahīñ muhtāj ye bāġh-e-sadā-sarsabz maalī kā

lage hai shīrīñ us ko saarī apnī umr kī talḳhī

maza paayā hai jin āshiq niiñ tere sun ke gaalī kā

mubārak naam tere 'ābrū' kā kyuuñ na ho jag meñ

asar hai yū tire dīdār kī farḳhunda-fālī kā

rata hai abruwan par hath aksar lawabaali ka

hunar sikha hai us shamshir-zan ne bed-e-mali ka

har ek jo uzw hai so misra-e-dilchasp hai mauzun

magar diwan hai ye husn sar-ta-pa jamali ka

nagin ki tarah dagh-e-rashk sun kala hua lala

liya jab nam gulshan mein tumhaare lab ki lali ka

raqiban ki hua nachiz baatan sun ke yun bad-KHu

wagarna jag mein shohra tha sanam ki KHush-KHisali ka

hamare haq mein nadani sun kahna ghair ka mana

gila ab kya karun us shoKH ki main KHurd-sali ka

yahi charcha hai majlis mein sajan ki har zaban upar

mera qissa goya mazmun hua hai sher-e-haali ka

tumhaara qudrati hai husn aaraish ki kya hajat

nahin muhtaj ye bagh-e-sada-sarsabz mali ka

lage hai shirin us ko sari apni umr ki talKHi

maza paya hai jin aashiq nin tere sun ke gali ka

mubarak nam tere 'abru' ka kyun na ho jag mein

asar hai yu tere didar ki farKHunda-fali ka