raunaqen aabaadiyan kya kya chaman ki yaad hain
raunaqen aabaadiyan kya kya chaman ki yaad hain
Talib Ali Khaan Aishi
MORE BYTalib Ali Khaan Aishi
raunaqeñ ābādiyāñ kyā kyā chaman kī yaad haiñ
bū-e-gul kī tarah ham gulshan ke ḳhāna-zād haiñ
jalva-farmā.ī kā muzhda kis ne bhejā hai ki aaj
dīda-o-dil ham-digar sarf-e-mubārakbād haiñ
kis kī mizhgāñ ne hamāre saath kāvish kī shurūa
ḳhuun ke qatre ragoñ meñ nashtar-e-fassād haiñ
yaañ razā mahbūb kī manzūr-e-ḳhātir hai faqat
vasl ho yā hijr ho har amr meñ ham shaad haiñ
kar chukā 'aishī' tavāf-e-ḳhāna-e-ka.aba kā qasd
jab talak hindostāñ kā mai-kada ābād hai
raunaqen aabaadiyan kya kya chaman ki yaad hain
bu-e-gul ki tarah hum gulshan ke KHana-zad hain
jalwa-farmai ka muzhda kis ne bheja hai ki aaj
dida-o-dil ham-digar sarf-e-mubarakbaad hain
kis ki mizhgan ne hamare sath kawish ki shurua
KHun ke qatre ragon mein nashtar-e-fassad hain
yan raza mahbub ki manzur-e-KHatir hai faqat
wasl ho ya hijr ho har amr mein hum shad hain
kar chuka 'aishi' tawaf-e-KHana-e-kaba ka qasd
jab talak hindostan ka mai-kada aabaad hai
- Book : Ghazal Usne Chhedi(2) (Pg. 231)
- Author : Farhat Ehsas
- Publication : Rekhta Books (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
