روشن چراغ ہو گیا میں تیرا پا کے ساتھ

روشن چراغ ہو گیا میں تیرا پا کے ساتھ

یا تو سنبھال لے یا چلا میں ہوا کے ساتھ

مستی شباب حسن تبسم تو خوب ہیں

الفت کا رنگ اور کھلا ہے وفا کے ساتھ

اس میں نہیں خلوص تو ٹھوکر لگائیے

دل آپ کے ہے قدموں میں اس التجا کے ساتھ

میں نے لکھا تھا نام ترا ریگ دشت پر

اور کوئی مجھ کو بیر نہیں تھا ہوا کے ساتھ

مجھ کو مرے مزاج کا رہبر نہیں ملا

واپس پلٹ گیا ہوں میں کچھ دور جا کے ساتھ

زینہ بہ زینہ دل میں اترتی رہی وہ یاد

دل شب میں چونک اٹھا اک آواز پا کے ساتھ

محشر کا خیر کچھ بھی نتیجہ ہو اے نویدؔ

دید رسول پاک تو ہوگی خدا کے ساتھ