raushan charagh ho gaya main tera pa ke sath

raushan charāġh ho gayā maiñ terā pā ke saath

yā to sañbhāl le yā chalā maiñ havā ke saath

mastī shabāb husn tabassum to ḳhuub haiñ

ulfat kā rang aur khulā hai vafā ke saath

is meñ nahīñ ḳhulūs to Thokar lagā.iye

dil aap ke hai qadmoñ meñ is iltijā ke saath

maiñ ne likhā thā naam tirā reg-e-dasht par

aur koī mujh ko bair nahīñ thā havā ke saath

mujh ko mire mizāj kā rahbar nahīñ milā

vāpas palaT gayā huuñ maiñ kuchh duur jā ke saath

zīna-ba-zīna dil meñ utartī rahī vo yaad

dil shab meñ chauñk uTThā ik āvāz-e-pā ke saath

mahshar kā ḳhair kuchh bhī natīja ho ai 'naved'

dīd-e-rasūl-e-pāk to hogī ḳhudā ke saath

raushan charagh ho gaya main tera pa ke sath

ya to sanbhaal le ya chala main hawa ke sath

masti shabab husn tabassum to KHub hain

ulfat ka rang aur khula hai wafa ke sath

is mein nahin KHulus to Thokar lagaiye

dil aap ke hai qadmon mein is iltija ke sath

main ne likha tha nam tera reg-e-dasht par

aur koi mujh ko bair nahin tha hawa ke sath

mujh ko mere mizaj ka rahbar nahin mila

wapas palaT gaya hun main kuchh dur ja ke sath

zina-ba-zina dil mein utarti rahi wo yaad

dil shab mein chaunk uTTha ek aawaz-e-pa ke sath

mahshar ka KHair kuchh bhi natija ho ai 'nawed'

did-e-rasul-e-pak to hogi KHuda ke sath