raushan wo dil pe mere dil-azar se hua

raushan vo dil pe mere dil-āzār se huā

ik ma.arka jo hairat o zañgār se huā

jab naḳhl-e-ārzū pe ḳhizāñ ibtilā huī

maiñ dast-zad savābit-o-sayyār se huā

ik sham.a sard thī jo mujhe vā-gudāz thī

aur ik sharaf ki ḳhāna-e-mismār se huā

bai.at thī mere dast-e-burīda se ḳhisht-o-ḳhāk

us pe subuk maiñ sāhab-e-dīvār se huā

paivast the zamīn se afa.ā shajar se tiir

juuñ hī judā maiñ shām-e-azā-dār se huā

raushan wo dil pe mere dil-azar se hua

ek marka jo hairat o zangar se hua

jab naKHl-e-arzu pe KHizan ibtila hui

main dast-zad sawabit-o-sayyar se hua

ek shama sard thi jo mujhe wa-gudaz thi

aur ek sharaf ki KHana-e-mismar se hua

baiat thi mere dast-e-burida se KHisht-o-KHak

us pe subuk main sahab-e-diwar se hua

paiwast the zamin se afaa shajar se tir

jun hi juda main sham-e-aza-dar se hua