raushni dar pe khaDi mujhko bulati kyun hai
raushnī dar pe khaḌī mujh ko bulātī kyuuñ hai
maiñ añdhere meñ huuñ ehsās dilātī kyuuñ hai
raat hissa hai mirī umr kā jī lene de
zindagī chhoḌ ke tanhā mujhe jaatī kyuuñ hai
shahr ke log to saḌkoñ pe rahā karte haiñ
ghar banāne kī lagan mujh ko satātī kyuuñ hai
gumrahī se bhī mirā zauq-e-safar kam to nahīñ
raah lekin mire qadmoñ ko churātī kyuuñ hai
jāñ-ba-lab lamha-e-taskīñ mirī qismat hai 'shamīm'
be-ḳhudī phir mujhe dīvāna banātī kyuuñ hai
raushni dar pe khaDi mujh ko bulati kyun hai
main andhere mein hun ehsas dilati kyun hai
raat hissa hai meri umr ka ji lene de
zindagi chhoD ke tanha mujhe jati kyun hai
shahr ke log to saDkon pe raha karte hain
ghar banane ki lagan mujh ko satati kyun hai
gumrahi se bhi mera zauq-e-safar kam to nahin
rah lekin mere qadmon ko churaati kyun hai
jaan-ba-lab lamha-e-taskin meri qismat hai 'shamim'
be-KHudi phir mujhe diwana banati kyun hai
- Book : Tahreek Silver Jubilee Number (Pg. 448)
- Author : Gopal Mittal, Makhmoor Saeedi, Prem Gopal Mittal
- Publication : Monthly Tahreek, 9, Ansari Market, Daryaganj,New Delhi-110002 (July, Aug., Sep. Oct. 1978,Volume No. 26,Issue No. 4,5,6,7,)
- Edition : July, Aug., Sep. Oct. 1978,Volume No. 26,Issue No. 4,5,6,7,
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
