raushni ke ek hawale ko liye phirta hun main

raushnī ke ik havāle ko liye phirtā huuñ maiñ

apnī jeboñ meñ ujāle ko liye phirtā huuñ maiñ

merā maslak hai jahāñ meñ sab ko ThanDak bāñTanā

chāñd huuñ dhartī pe haale ko liye phirtā huuñ meñ

sidq ke iz.hār kā is se baḌā kyā ho subūt

aaj kal hoñToñ pe taale ko liye phirtā huuñ maiñ

maut ko mujh se nahīñ hai chhīnñe vaalā koī

zahr-e-ḳhālis ke piyāle ko liye phirtā huuñ maiñ

jo bhī mere sāmne aa.egā khā.egā shikast

dil meñ ummīdoñ ke bhāle ko liye phirtā huuñ maiñ

ho gayā hai aañkh meñ mahfūz ḳhuuñ royā huā

bādaloñ ke surḳh gaale ko liye phirtā huuñ maiñ

parvarish paatī haiñ sājid makaḌiyāñ taḳhlīq kī

zehn meñ sochoñ ke jaale ko liye phirtā huuñ maiñ

raushni ke ek hawale ko liye phirta hun main

apni jebon mein ujale ko liye phirta hun main

mera maslak hai jahan mein sab ko ThanDak banTana

chand hun dharti pe haale ko liye phirta hun mein

sidq ke izhaar ka is se baDa kya ho subut

aaj kal honTon pe tale ko liye phirta hun main

maut ko mujh se nahin hai chhinne wala koi

zahr-e-KHalis ke piyale ko liye phirta hun main

jo bhi mere samne aaega khaega shikast

dil mein ummidon ke bhaale ko liye phirta hun main

ho gaya hai aankh mein mahfuz KHun roya hua

baadalon ke surKH gale ko liye phirta hun main

parwarish pati hain sajid makaDiyan taKHliq ki

zehn mein sochon ke jale ko liye phirta hun main