raushni ki Dor thame zindagi tak aa gae

raushnī kī Dor thāme zindagī tak aa ga.e

chor ahd-e-sāmrī ke jal-parī tak aa ga.e

vā.izān-e-ḳhush-havas kī jhiḌkiyāñ sunte hue

lā-shu.ūrī taur par ham sarḳhushī tak aa ga.e

Dhol piiTā jā rahā thā aur ḳhālī peT ham

hañste-gāte thaap sunte Dholchī tak aa ga.e

vāhimoñ kī nā-tamāmī kā ilāqa chhoḌ kar

kuchh parinde haath bāñdhe sabzagī tak aa ga.e

bhaa.ī bahnoñ kī mohabbat kā nasha mat pochhiye

be-takalluf ho ga.e to gudgudī tak aa ga.e

chāk-e-tohmat par ghumāyā jā rahā thā ishq ko

jab hamāre ashk ḳhvāb-e-ḳhud-kushī tak aa ga.e

gāliyāñ bakne lage ġhusse hue laḌne lage

raqs karte karte ham bhī ḳhud-sarī tak aa ga.e

ai hasīñ laḌkī tumhāre husn ke lazzat parast

kāfirī se sar bachā kar shā.irī tak aa ga.e

raushni ki Dor thame zindagi tak aa gae

chor ahd-e-samri ke jal-pari tak aa gae

waizan-e-KHush-hawas ki jhiDkiyan sunte hue

la-shuuri taur par hum sarKHushi tak aa gae

Dhol piTa ja raha tha aur KHali peT hum

hanste-gate thap sunte Dholchi tak aa gae

wahimon ki na-tamami ka ilaqa chhoD kar

kuchh parinde hath bandhe sabzagi tak aa gae

bhai bahnon ki mohabbat ka nasha mat pochhiye

be-takalluf ho gae to gudgudi tak aa gae

chaak-e-tohmat par ghumaya ja raha tha ishq ko

jab hamare ashk KHwab-e-KHud-kushi tak aa gae

galiyan bakne lage ghusse hue laDne lage

raqs karte karte hum bhi KHud-sari tak aa gae

ai hasin laDki tumhaare husn ke lazzat parast

kafiri se sar bacha kar shairi tak aa gae