raushni le kar andheri raat mein nikla na kar

raushnī le kar añdherī raat meñ niklā na kar

raat parde ke liye hai ḳhud ko be-pardā na kar

dahr kā phailāv bhī nuqta nazar aane lage

sher kahtā hai to kah itnā magar sochā na kar

ek din tū bhī kisī taare se Takrā jā.egā

dost mere raat kī galiyoñ meñ yuuñ ghūmā na kar

chāñd bhī utrā thā pichhlī shab isī tālāb meñ

kyuuñ chamaktā hai nahā dho kar badan poñchhā na kar

aa.ina chamkā.e rakh sab kuchh nazar aa jā.egā

jis kī chāhat ho use ḳhud se judā samjhā na kar

dopahar kī lahr chehre ko jhulas degī 'ḳhalīl'

ghar kī ThanDak chhoḌ kar peḌoñ tale baiThā na kar

raushni le kar andheri raat mein nikla na kar

raat parde ke liye hai KHud ko be-parda na kar

dahr ka phailaw bhi nuqta nazar aane lage

sher kahta hai to kah itna magar socha na kar

ek din tu bhi kisi tare se Takra jaega

dost mere raat ki galiyon mein yun ghuma na kar

chand bhi utra tha pichhli shab isi talab mein

kyun chamakta hai naha dho kar badan ponchha na kar

aaina chamkae rakh sab kuchh nazar aa jaega

jis ki chahat ho use KHud se juda samjha na kar

dopahar ki lahr chehre ko jhulas degi 'KHalil'

ghar ki ThanDak chhoD kar peDon tale baiTha na kar