raushni tak raushni ka rasta kah lijiye

raushnī tak raushnī kā rāsta kah lījiye

raat ko shām-o-sahar kā fāsla kah lījiye

de ga.ī kitnī bahāreñ ek fasl-e-ārzū

rañg-o-bū ko mausamoñ kā ḳhūñ-bahā kah lījiye

gūñjtī hai umr-e-vīrāñ meñ tamannā kī thakan

harf-e-ġham ko gumbad-e-jāñ kī sadā kah lījiye

kund āḳhir kar ga.iiñ talvār ko ḳhūñ-reziyāñ

dostī ko dushmanī kī intihā kah lījiye

bāl-o-par khulte nahīñ jin ke nasheman kī taraf

un uḌānoñ ko havāoñ kī ġhizā kah lījiye

mausam-e-gul dekhiye khulte darīchoñ ke tale

bām-o-dar ko shahr kī āb-o-havā kah lījiye

kuchh nahīñ miltā 'samad' patthar ko teshe ke sivā

āzarī ko āzarī nām-e-ḳhudā kah lījiye

raushni tak raushni ka rasta kah lijiye

raat ko sham-o-sahar ka fasla kah lijiye

de gai kitni bahaaren ek fasl-e-arzu

rang-o-bu ko mausamon ka KHun-baha kah lijiye

gunjti hai umr-e-viran mein tamanna ki thakan

harf-e-gham ko gumbad-e-jaan ki sada kah lijiye

kund aaKHir kar gain talwar ko KHun-reziyan

dosti ko dushmani ki intiha kah lijiye

baal-o-par khulte nahin jin ke nasheman ki taraf

un uDanon ko hawaon ki ghiza kah lijiye

mausam-e-gul dekhiye khulte darichon ke tale

baam-o-dar ko shahr ki aab-o-hawa kah lijiye

kuchh nahin milta 'samad' patthar ko teshe ke siwa

aazari ko aazari nam-e-KHuda kah lijiye