rawa nahin hai agar ye to narawa bhi nahin

ravā nahīñ hai agar ye to nāravā bhī nahīñ

ki arz-e-shauq se tauhīn-e-mudda.ā bhī nahīñ

junūñ ko ishq kī me.arāj jānñe vaale

ye intihā to mohabbat kī ibtidā bhī nahīñ

kahāñ ye thā ki tire markaz-e-nazar the hamīñ

kahāñ ye hai ki sazā-vār-e-e'tinā bhī nahīñ

karam na thā to taraste the ham jafā ke liye

karam huā to mazālim kī intihā bhī nahīñ

tū hī batā ki tire dar se uTh ke jaa.eñ kahāñ

tire sivā to hameñ koī aasrā bhī nahīñ

rawa nahin hai agar ye to narawa bhi nahin

ki arz-e-shauq se tauhin-e-muddaa bhi nahin

junun ko ishq ki mearaj jaanne wale

ye intiha to mohabbat ki ibtida bhi nahin

kahan ye tha ki tere markaz-e-nazar the hamin

kahan ye hai ki saza-war-e-e'tina bhi nahin

karam na tha to taraste the hum jafa ke liye

karam hua to mazalim ki intiha bhi nahin

tu hi bata ki tere dar se uTh ke jaen kahan

tere siwa to hamein koi aasra bhi nahin