rawayya dekh kar un ka to hum nashad ho baiThe

ravayya dekh kar un kā to ham nāshād ho baiThe

bhalā lahje se vo kyoñ nashtar-e-fassād ho baiThe

zamāne bhar meñ apne naam kā Dankā bhī bajtā thā

par ujḌe yuuñ ki ham to sūrat-e-baġhdād ho baiThe

kahā farhād ne apnī murīdī meñ mujhe le leñ

sunā kar qissa-e-ġham murshid-e-farhād ho baiThe

'imārat apne ḳhvāboñ kī banāne kā kiyā āġhāz

to ḳhud ham iiñT ban baiThe ḳhudī buniyād ho baiThe

ga.e vaqtoñ meñ aisā thā yahāñ kuchh kam shikārī the

na.e vaqtoñ meñ dekho to sabhī sayyād ho baiThe

yahāñ par kaun zinda ab rakhe apnī rivāyat ko

yahāñ par log jo mādar-pidar-āzād ho baiThe

jinheñ thā 'ishq se matlab vo suulī chaḌh ga.e āḳhir

jinheñ daulat se matlab thā vo sab shaddād ho baiThe

asar be-mausamī tūfān kā gulshan pe gahrā hai

kabhī jo phuul hote the vo ab faulād ho baiThe

kabhī ġhaltī se jo misra' milā lete haiñ aksar vo

samajhte haiñ ki ab ham 'mīr' ke ustād ho baiThe

kaseñ 'iqbāl' par bolī kareñ bāteñ 'ġhazālī' par

bilā-tahqīq hī ye sab yahāñ naqqād ho baiThe

rawayya dekh kar un ka to hum nashad ho baiThe

bhala lahje se wo kyon nashtar-e-fassad ho baiThe

zamane bhar mein apne nam ka Danka bhi bajta tha

par ujDe yun ki hum to surat-e-baghdad ho baiThe

kaha farhad ne apni muridi mein mujhe le len

suna kar qissa-e-gham murshid-e-farhad ho baiThe

'imarat apne KHwabon ki banane ka kiya aaghaz

to KHud hum inT ban baiThe KHudi buniyaad ho baiThe

gae waqton mein aisa tha yahan kuchh kam shikari the

nae waqton mein dekho to sabhi sayyaad ho baiThe

yahan par kaun zinda ab rakhe apni riwayat ko

yahan par log jo madar-pidar-azad ho baiThe

jinhen tha 'ishq se matlab wo suli chaDh gae aaKHir

jinhen daulat se matlab tha wo sab shaddad ho baiThe

asar be-mausami tufan ka gulshan pe gahra hai

kabhi jo phul hote the wo ab faulad ho baiThe

kabhi ghalti se jo misra' mila lete hain aksar wo

samajhte hain ki ab hum 'mir' ke ustad ho baiThe

kasen 'iqbaal' par boli karen baaten 'ghazali' par

bila-tahqiq hi ye sab yahan naqqad ho baiThe