rawish rawish pe phul khilate gulzaron ki baat karen

ravish ravish pe phuul khilāte gulzāroñ kī baat kareñ

chhoḌ ga.e jo tanhā ham ko in pyāroñ kī baat kareñ

sard-ravī ke jhoñke tan ko chhed rahe haiñ muddat se

aao naañ mil kar darvāzoñ se dīvāroñ kī baat kareñ

ḳhāk-nashīnī Thiik hai lekin kabhī kabhī dil kartā hai

duur fazā meñ uḌte jaa.eñ kohsāroñ kī baat kareñ

us din soch hinā.ī hogī us din rādhā nāchegī

bechāre jab mil kar saare bechāroñ kī baat kareñ

sūraj jā kar chhup jaatā hai dhan vāloñ kī jholī meñ

aao naañ mil kar jugnū bāñTeñ añdhiyāroñ kī baat kareñ

dekh 'samīna' 'sayyad' kaise vaqt ne karvaT badlī hai

sar kī bāteñ karne vaale dastāroñ kī baat kareñ

rawish rawish pe phul khilate gulzaron ki baat karen

chhoD gae jo tanha hum ko in pyaron ki baat karen

sard-rawi ke jhonke tan ko chhed rahe hain muddat se

aao nan mil kar darwazon se diwaron ki baat karen

KHak-nashini Thik hai lekin kabhi kabhi dil karta hai

dur faza mein uDte jaen kohsaron ki baat karen

us din soch hinai hogi us din radha nachegi

bechaare jab mil kar sare bechaaron ki baat karen

suraj ja kar chhup jata hai dhan walon ki jholi mein

aao nan mil kar jugnu banTen andhiyaron ki baat karen

dekh 'samina' 'sayyad' kaise waqt ne karwaT badli hai

sar ki baaten karne wale dastaron ki baat karen